Beliebt esch bei der Männerwelt, ein schähner Buse , der ach gefällt.
Der uns’re Fraue so herrlich ziert, un uns immer widder nei verfiert.
Die Reize, dene mer erliechen, sobald mer’se zu fasse kriechen, soll dess Gedicht gewidmet sei, ganz gleich, ob ’se groß oder ob’se klein.
Wie launisch zeicht sich die Natur, wenn se gstaltet die Figur. Mool loßt se tolle Forme wippe, mool sieht mer niggs als Haut und Rippe.
Weil se unterschiedlich groß geformt, esch deshalb de BH ach gnormt. Vun 1-12, ganz kurz und schlicht, so steicht die Greeß un ach Sgewicht.
Ganz ungeeichnet esch zum Schmuse, die Greeß vun 1, de Mini-Buse.
Kä Wunner, dass so schnell werd mied, wer so ä flaches Weib behiet.
Bescheide esch ach des Vergniche, an de Bruscht vun Greeß 2 zu liche. Immerhie esch was zu finne, mer wäß halt, was vorn esch und was hinne.
Mit de Greeß 3 werd’s schun erträchlich, do hod mer was, do werd’s bewechlich. Wenn ähn Bikini dess umhillt, gibt’s schun ä ganz schä reizend Bild.
Mit de Greeß 4 und schlanke Hiffde, kann dich ä Weib ganz schnell vergifte. Du zappelscht mit verwirrtem Sinn, wie ä Migg im Netz vun ähnre Spinn.
Welchie Frah wäß nit vun Ihre Trimpfe, steht bei’re im BH die 5te. Wie bebt vor Luscht die Männerhand, die so ä Prachtschtick hott umspannt.
Än Mann, der nie in seinem Lewe, durft ä Greeß vun 6 mol hewe, der esch vum Schicksal arch bedrooche, um den esch’s Glick gange im hohe Booche.
Ein schähner Buse vun Greeß 7, gebt Astoß zu besond’ren Triewe, jaacht Männer in die kienschte Trähm, wie Affe uff die hegschte Bähm.
Unbeschreiblich esch die Pracht, bei ännre Bruscht vun de Greeß 8. Wer bei so ähnre Frah hot die Gunscht errunge, dem esch de große Wurf gelunge.
Die Greeß 9 daucht nur fer’s Bett, für den der Kummer hot, esch’s nett. Do kammer sei Gsicht vergraawe, und stunnelang de Welt entsache.
Bei de Greeß 10 do werds beschwerlich, ach esch’s nit ganz ugefährlich, beicht sich ä Fra mit so äm Buse, iwwer ähn Mann zum Schmuse. Des Spiel mit de Häkche un mit de Eese, so schee bei Greeß 6 war’s gwese, luschtvoll spielend voller Feier, bei deer Greeß wird’s echt zum Abenteuer. Esch’s letschde Heegl endlich uff, do gibt der’s Schicksaal ähnie druff. Aus’em volle, pralle Mieder, sterzt’s wie Lawinen uff dich nieder. Umhüllt vum Mann de Kopp im Nu, deckt Aache, Ohre und Nas deer zu. So fiehlt mer sich ganz schnell bedroht, vum pletzlichen Erstickungsdood. Doch kennner esch bis jetzt verdorwe, und unner soviel Fläsch ach gstorwe. Jedem esch es noch geglickt, dass er’s Licht vun de Welt erblickt.
Mit Greeß 11, befreit von Hölle, losst sich ä ganzie Bettstatt fille. Wie Hefetääg bei Hitzewelle, sieht mer’s in die Kissen quelle. Ganz traurich sieht de Mann do ein, dass sei Händ sin viel zu klein, zu hinnre die befreite Riese, nit iwwer’m Bettrand wegzufließe.
Bei 12, da wird’s kolossal, ultra-super-maximal! Doch Busefreind horch nur her, esch dess Ding ach noch so schwer, spart mer im Urlaub ähn Haufe Geld, denn deer BH ersetzt des Zelt!Die Greeß 13 gibt’s noch nicht, drum endet hier ach des Gedicht.
Un noch ä Wort an eich ehr Fraue, do kinner noch ä weil dra kaue, do gibt’s kä jammre un kä schlucke. Jetzt wissner wohie eier Männer gugge!!!
--