S isch zwar irgendwie komisch imene Forum uf Schwizerdütsch z schriibe. Aber wieso au nid. I glaub so viu Müeh hei di Dütsche gar nid drmit wenn si dr Schwizer-Dialäkt probiere z verstoh. Mi Dialäkt isch so zimlech es huere Mischmasch us bitzli Aargau, bitzli Bärn und e Priise Basudütsch. Die Priise chunnt aber nume zum Vorschiin weme mi rede ghört. Wüu ig äbe s „R“ im Haus hinde säge wies z Basu üblech isch. E Bärner würd das nie mache. Usser vilicht är chunnt usemene Teil vo Bärn wo as Friburgische gränzt.
--