Mir höm ober net nur en Wein, sondern e gonze Menge mehr. In Unerfrangn git’s saumäßich gude Wurscht, weil mer e gonze ladde guder Metzger höm. Und außerdem höm er es kreuzberchbier. Do dud em sofort noch em saufe e stern aufgeh. un wenns warm is, do obe aufm berch, donn vieleicht sogar mehrere auf e moll. Brost!
Un außerdem sin mir do mitten in der Provinz. Für uns uns Schweifurt e Großstodt mit unvergleichliche außmoße, bei dene mer scho ma en Überblick verliert. Mir Landeier höms holt net so mit’n Siddi-Drubel. Dafür kennt mer sich, net jeden moch mer gleich, aber des mocht ja nix, weil’s bis zum nochborort ja bloß e poar meder sin. Wemmer vo Königsofe die Schnauze voll höm (und des kümmt scho e mo vor), foahr mer raus und besuche die Verwandtschaft in Merkschhause oder Grössewehem und dann foahr mer widder hem.
Abber es stimmt scho, die Sprüch die mer kenne, kennt kenner sonst. Wenn die Leut ausm Bundesgebiet immer zu uns komme, dann komme se net immer gleich kloar mit unner dirkete Oart, müsse sich erscht droh gewöhn. Aber dafür simmer ja Frangn. Und des is gut so.
--